На 1 студзеня 2025 г. у гаспадарках усіх катэгорый (у сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) налічвалася 875,3 тыс. галоў буйной рагатай жывёлы, 384,6 тыс. галоў свіней, 8 610 тыс. галоў птушкі.
Гаспадаркамі ўсіх катэгорый за 2024 год выраблена жывёлы і птушкі (у жывой вазе) 353,9 тыс. тон, што на 3,7% больш у параўнанні з 2023 годам. Рэалізавана жывёлы і птушкі на забой (у жывой вазе) 343,6 тыс. тон (на 5,2% больш за ўзровень 2023 года). Асноўная ўдзельная вага ў аб’ёме рэалізацыі прыходзілася на буйную рагатую жывёлу (43,1%, у 2023 годзе – 43,5%).
Вытворчасць малака склала 2 362,8 тыс. тон (на 7,3% больш за ўзровень 2023 года), яек атрымана 644,6 млн. штук (на 3,8% больш).
На долю сельскагаспадарчых арганізацый прыходзіцца 98,5% пагалоўя буйной рагатай жывёлы, 90% пагалоўя птушкі, 84,6% пагалоўя свіней, 96,8% аб’ёму вытворчасці жывёлы і птушкі (у жывой вазе), 98,3% вытворчасці малака і 85,8% вытворчасці яек.
Версія для друку© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.
